Бизнинг вақт билан якшанбадан душанбага ўтар кечаси, соат 00:45 да "Жезеппе Меацца" стадиони сайёрамизнинг энг муросасиз дербиларидан бири бўлиб ўтади. Формал тарзда бугунги ўйинда "Милан" мезбон.
ҚИЗИҚАРЛИ ФАКТЛАР
– Ушбу дерби расмий турнирлардаги 205-чиси, "А" Сериядаги 159-чиси.
– Агар Интер ғалаба қозонолса, жамоаларнинг барча ўзаро ўйинларидаги ғалабалар сони тенглашади — 72 тадан.
– Милан дербиларининг энг яхши тўпурари украиналик Андрей Шевченко бўлиб, у 14 гол киритган.
– Икки жамоада фаолият кўрсатаётган футболчилар ичидан Индзаги, Станкович, Зеедорф ва Иброҳимович ҳисобида 4 тадан гол бор. Қизиғи, нидерландиялик ва швециялик футболчилар дербида ҳар икки клуб таркибида гол киритишган.
– Милан дербиларида россонериларнинг афсонавий сардори Паоло Малдини энг кўп учрашувга майдонга тушган — 56.
– Сўнгги уч дербида "Милан" муваффақият қозонмоқда, унгача "Интер"да кетма-кет тўрт ўйиндан иборат серия бор эди.
– Милан дербисида нолли дуранг сўнгги марта 2004 йилнинг октябрида қайд этилган.