Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив
30/03 01:00 Лилль - Ланс
30/03 01:00 Кадис - Гранада
30/03 16:30 Наполи - Аталанта
30/03 17:30 Ньюкасл - Вест Хэм
30/03 18:00 Хетафе - Севилья
30/03 19:00 Женоа - Фрозиноне
30/03 19:00 Торино - Монца
30/03 19:00 Андижон - Насаф
30/03 19:00 Пахтакор - Сўғдиёна
30/03 20:00 Ноттингем Форест - Кристал Пэлас
30/03 20:00 Шеффилд Юнайтед - Фулхэм
30/03 20:00 Тоттенхэм - Лутон
30/03 20:00 Борнмут - Эвертон
30/03 20:00 Челси - Бёрнли
30/03 20:15 Альмерия - Осасуна
30/03 21:00 Метц - Монако
30/03 22:00 Лацио - Ювентус
30/03 22:30 Астон Вилла - Вулверхэмптон
30/03 22:30 Валенсия - Мальорка

Аждарҳо шаклидаги ва устки қисми айланадиган стадионлар, ёхуд дунёдаги ғаройиб спорт мажмуалари

Баҳо:
+ | -

Коронавирус пандемияси туфайли турли мамлакатлар ўртасида ҳаво қатнови вақтинча чекланган, шунинг учун кўп саёҳатчилар ва футбол ишқибозлари чет элга чиқа олмайдилар.

Гарчи чекловлар бўлса-да, лекин саёҳат қилишнинг иложи бор, яни виртуал олам орқали. Ҳозир эса биз сизлар билан дунёдаги ғаройиб спорт мажмуалари ҳақида суҳбат қиламиз. Уйдан чиқмасдан, спортдан баҳра олинг. 

 

Гаосюн миллий стадиони


Сиғими: 55 минг киши.

 

Гаосюн шаҳридаги Миллий стадион 2009 йилда Тайванда бўлиб ўтадиган Бутунжаҳон ўйинлари очилиш учрашувлари учун қурилган эди. Арена аждаҳога ўхшаган  шаклда бўлиб, унинг бутун том майдони қуёш батареялари билан қопланган. Улар комплекснинг ишлашини таъминлаш учун зарур бўлган етарли миқдордаги электр энергиясини ишлаб чиқариш учун ишлатилади. Очилиш вақтида "Миллий" ушбу технологиядан фойдаланган дунёдаги биринчи майдон эди. Ушбу арена Тайван миллий футбол жамоаси уй учрашувларини қабул қилишда ҳам фойдаланилади.


Пекин миллий стадиони

Сиғими: 91 минг киши.

 


2008 йилги Олимпия ўйинлари учун махсус қурилган Пекин миллий стадиони ўзининг ғайриоддий кўриниши туфайли, "Қушларнинг уяси" номи билан машҳур бўлган. 330 метр узунликдаги, кенглиги 220 метр ва баландлиги 69,2 метр бўлган "Қушларнинг уйи" стадиони дизайни 24 тонналик устунларга асосланган, ҳар бири 1000 тонна. Стадионнинг пўлат ташқи қобиғи қурилиши 2005 йилда бошланган пайтда устунларини кўтариш учун ҳеч қандай кран етарли даражада кучга эга эмас эди.
Эйфел минораси сингари, "Қушларнинг уяси" ҳам, айниқса анъанавий бўлмаган услуб ва кўринишга эга. Мазкур арена замонавий Хитойнинг муҳандислик қобилиятининг беқиёс белгисига айланган.


"Тоттенхэм" стадиони

Сиғими: 64 минг киши.

 


"Тоттенхэм" ўз уйида янги расмий стадионда биринчи расмий ўйинини 2019 йилнинг апрелида ўтказди. 
Дунёдаги технологик жиҳатдан энг илғор мажмуалардан бири ўзига хос спорт хусусиятларига эга: лондонликларнинг янги аренаси футбол ва америка футболи учрашувлари учун мўлжалланган бўлади. Иншоот 61461 мухлисга мўлжалланган."Тоттенхэм" уй аренасининг ўзига хос жиҳатлари орасида яна бири, стадионда дунёдаги энг узун бар бор - 87 метр! 

Айтганча, сиғим жиҳатидан арена Англиядаги "Уэмбли" ва "Олд Траффорд"дан кейин учинчи ўринда туради.

Эриксон-Глобе

Сиғими: 16 минг киши.

 


Эриксон Глобе - Стокголмда жойлашган ёпиқ арена. У хоккей бўйича жаҳон чемпионатлари, UFC  дан тортиб концертларга қадар турли тадбирларда фойдалинилади. Стадион 1989 йилда очилган дунёдаги энг катта сферич иншоотдир. Диаметри 110 метр, баландлиги 85 метрни ташкил этади. Глобе Арена - бу Қуёшни рамзийлаштирадиган Швеция Қуёш тизими лойиҳасининг бир қисми. Лойиҳанинг моҳияти қуйидагича: шарсимон об'ектлар Қуёш тизими сайёраларини рамзий қилиб, Швеция бўйлаб жойлашган. Уларнинг катталиги ва улар орасидаги масофа 1: 20,000,000 масштабида амалга оширилади. Спорт мажмуасида консертлар пайтида 16 минг кишини ва хоккей ўйинларида 14 мингга яқин томошабинни қабул қила олади.

Cингапур миллий стадиони

Сиғими: 55 минг киши.

 


Cингапур миллий стадиони 2014 йилда очилган бўлиб, дунёдаги энг катта усти  очилиб-ёпиладиган спорт мажмуаси ҳисобланади. Қолаверса, стадионнинг пастки қаватидаги ўриндиқлар ҳам автоматлаштирилган. Конфигурацияга қараб, арена футбол ва регби ўйинларида 55000 кишини, крикет ўйинларида 52000 кишини ва кўнгилочар тадбирларда 50 000 кишини қабул қилиши мумкин. Стадион футбол бўйича Cингапур терма жамоасининг уй аренаси ҳам ҳисобланади.

Пекин сузиш мажмуаси

Сиғими: 17 минг киши.

 


Спорт мажмуаси "Сув ​​куби" деб ҳам номланади. У худди Миллий стадион cингари, 2008 йилги Пекин Олимпия ўйинларини ўтказиш учун қурилган. Арена қурилиши пайтида шаффоф полимернинг 4 минг ҳужайраси ишлатилган бўлиб, улар ташқи томондан сув пуфакчалари панжарасига ўхшайди. Ушбу материал шишадан кўра кўпроқ ёруғлик ўтказишга қодир ва шу билан бирга у камроқ массага эга.

Мерседес-Бенз стадиони

Сиғими: 71 минг киши.

 


Стадион Американинг Атланта шаҳрида жойлашган. Арена 2017 йил август ойида очилган. Унинг ўзига хос хусусияти саккизта ярим шаффоф учбурчак панеллардан ташкил топган айланувчи томдир.
Мерседес-Бенз стадиони бирданига иккита жамоанинг уй аренасидир: НФЛнинг "Атланта Фалконс" ва МЛСнинг "Атланта Юнайтед" жамоалари уй стадиони. Мажмуанинг футбол ўйинлари учун сиғими атиги 42,5 минг кишини ташкил қилади, аммо НФЛ ўйинларида у 71 минг томошабинга мўлжалланган.


Жамшиджон Маҳмудов тайёрлади

Манба: stadion.uz
Киритилди: 08:06, 29.03.2021.
Ўқилди: 6748 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.