Лондоннинг "Арсенал" клуби бош мураббийи Арсен Вергернинг фикрича, январь ойидаги трансфер дарчасини бекор қилмоқ лозим.

"Мен трансфер дарчалари тизимини ўзгартириш тарафдориман. Ёки уни йил бўйи очиб қўйиш керак, ёки, аксинча, мавсум давомида ёпиш керак. Ҳаммаси ҳозиргидек сақланиб турар экан, ноябрдан январгача бўлган вазият таранглигича қолаверади. Ўйинчилар миясига "майдонга кам тушаяпманми, демак, январда кетишим керак", деган фикр ўрнашиб олади. Уларда чоғланиш йўқолади, майдонга чиқмай қўйишади, машғулотларни ҳам оёқ учида олиб боришади. Футболчиларга асосий таркибдан ўрин олиш учун курашишдан ўзга тез ва оддий усул қолдирмаслик керак", — дея Венгер сўзларини келтирмоқда клуб расмий сайти.

Эслатиб ўтамиз, ҳозирча "Арсенал" фақат Тьерри Анрини таклиф этиш билан чекланиб турибди.