«Милан» ва Швеция терма жамоаси ҳужумчиси Златан Ибраҳимович 2022 йилги Жаҳон чемпионатининг саралаш босқичи 2-туридан ўрин олган Косово билан учрашувдан сўнг (3:0) Швеция терма жамоасига қайтиши ва жамоадошларига ёрдам беришни исташи ҳақида гапирди. Ушбу учрашувда форвард голли узатмани амалга оширди.
«Мен шерикларимга гол уришим шарт эмаслигини айтдим, чунки мен аллақачон ўз голларимни уриб бўлганмна. Жамоадошларимга ёрдам бераман, улар менинг рекордимга яқинлашишлари мумкин. Вақт ўтган сайин, майдонда ва унинг ташқарисида терма жамоа футболчиларини яхшироқ биламан. Косово билан ўйин биз учун яхши чиқди, аммо бу нафақат мен ва Исак туфайли содир бўлди. Ўзимдан максимал фойда олиш учун терма жамоага қайтдим. Менга ҳам бошқалар каби муносабатда бўлишларини хоҳлайман", - дея Ибрагимовичнинг сўзларини келтиради Mundo Deportivo C More каналига асосланиб.
Маълумот учун, Ибрагимович Швеция терма жамоасида 2001 йилдан 2016 йилгача ўйнаган. Ўтказилган 116 ўйинда у 62 та гол урган ва Швеция терма жамоасининг энг яхши тўпурари ҳисобланади. Футболчи 2021 йилдан яна терма жамоага қайтди.
