«Манчестер Сити» Дортмунднинг «Боруссия» клуби ҳужумчиси Эрлинг Холандни йўқотмоқчи эмас.
Боиси, "шаҳарликлар" раҳбарияти 20 ёшли футболчини мавсум охирида жамоани тарк этишини айтган Серхио Агуэронинг ўрнига муносиб номзод сифатида кўрмоқда.
Шайҳлар бир қатор топ-клубларнинг ушбу трансфер билан боғлиқ жиддий рақобатидан қўрқмайдилар. Шунингдек, ўз жамоалари сафида иқтидори билан ҳайратда қолдиришда давом этаётган норвегияликни кўришни исташади.
Деярли барча Европанинг йирик клубларида футболчи учун режалар тайёрлаб қўйган, бирлқ "Манчестер Юнайтед", "Реал" ва "Челси" "Сити" учун асосий рақибга айланиши мумкин.
Маълумот ўрнида, Холанд дортмундликлар билан Бундеслиганинг 21 учрашувида майдонга тушди ва 21 гол уриб, 4 ассистни амалга оширди.
