«РБ Лейпциг» яримҳимоячиси Марсель Забитцер ёзги трансфер ойнасида жамоасини ўзгартирмоқчи.
«Ливерпуль», «Манчестер Юнайтед» ва «Тоттенхэм» клублари эса 27 ёшли австрияликни ўз сафига қўшиб олмоқчи. Футболчи аллақачон «Лейпциг» раҳбариятига ёзда жамоани тарк этишини маълум қилган.
Яримҳимоячининг немис клуби билан амалдаги шартномаси 2022 йил ёзида ўз ниҳоясига етади. Агар Забицер Немис клуби билан янги шартнома имзолашдан бош тортса, футболчи текинга кетмаслиги учун клуб уни ёзда ёки келгуси қишда сотиб юбориши керак.
Жорий мавсумда «буқалар» сардори Бундеслигада 21 учрашув ўтказди ва 6 гол, 2 ассист амалга оширишга муваффақ бўлди.
