Мамлакатлар томошабинларни халқаро мусобақаларга қабул қилиш тўғрисида ўзлари қарор қабул қилишлари мумкин.
УЕФА томошабинларга нисбатан 2020 йил октябрдаги, ўйинларга 30 фоиз томошабинни қабул қилиш қоидасидан воз кечди.
Шунга мувофиқ, томошабинларга УЕФА миқоёсидаги ўйинларга стадион сиғимининг 30% миқдорида ташриф буюриш ҳуқуқи берилган эди.
Энди УЕФА ушбу чекловни бекор қилди ва мамлакатларга томошабинларни ўйинларга қабул қилиш тўғрисида мустақил қарор қабул қилишга рухсат берди.
"УЕФАнинг 55 миллий ассоциациясида эпидемиологик вазият сезиларли даражада фарқ қилади ва шунинг учун томошабинларнинг рухсат этилган сони тўғрисидаги қарор маҳаллий ёки давлат ҳокимияти органлари томонидан қабул қилиниши керак", -дейилган ташкилот расмий сайтидаги баёнотда.
Шу билан бирга, коронавирус билан боғлиқ вазият туфайли меҳмон жамоалар мухлисларининг ўйинларга ташриф буюриши бўйича тақиқ пандемия сабаб камида май ойигача сақланиб қолиши таъкидланган.
