Mamlakatlar tomoshabinlarni xalqaro musobaqalarga qabul qilish to‘g‘risida o‘zlari qaror qabul qilishlari mumkin.
UYEFA tomoshabinlarga nisbatan 2020 yil oktyabrdagi, o‘yinlarga 30 foiz tomoshabinni qabul qilish qoidasidan voz kechdi.
Shunga muvofiq, tomoshabinlarga UYEFA miqoyosidagi o‘yinlarga stadion sig‘imining 30% miqdorida tashrif buyurish huquqi berilgan edi.
Endi UYEFA ushbu cheklovni bekor qildi va mamlakatlarga tomoshabinlarni o‘yinlarga qabul qilish to‘g‘risida mustaqil qaror qabul qilishga ruxsat berdi.
"UYEFAning 55 milliy assosiasiyasida epidemiologik vaziyat sezilarli darajada farq qiladi va shuning uchun tomoshabinlarning ruxsat etilgan soni to‘g‘risidagi qaror mahalliy yoki davlat hokimiyati organlari tomonidan qabul qilinishi kerak", -deyilgan tashkilot rasmiy saytidagi bayonotda.
Shu bilan birga, koronavirus bilan bog‘liq vaziyat tufayli mehmon jamoalar muxlislarining o‘yinlarga tashrif buyurishi bo‘yicha taqiq pandemiya sabab kamida may oyigacha saqlanib qolishi ta’kidlangan.
