Eвропанинг бир нечта клублари «Реал» дарвозабони Андрей Луниннинг ўсиб боришини кузатмоқдалар.
Испаниянинг Don Balon нашри хабарига кўра, украиналик дарвозабонга «Боруссия Дортмунд» ва «Тоттенхэм» каби жиддий клублар қизиқиш билдирмоқда.
Манбанинг хабар беришича, Лондон клуби узоқ вақтдан бери Лунинни кузатмоқда. Немис жамоаси эса футболчини яқинда сотиб олишга киришган.
Украиналик ёш посбон «Қироллик клуби»да биринчи рақамли ҳисобланган Тибо Куртуа билан рақобатлашиши мушкул. Шу сабабли, жорий мавсумда у Испания кубогининг 1/16 босқичида фақат битта ўйин ўтказди.
Агар мураббийлар Лунин учун бошқа жамоада ўйин амалиёти керак деб ҳисобласалар, дарвозабоннинг ўзи бошқа клубга ижарага ўтишга тайёр.
