Италия А сериясининг 29-турида «Милан» 3 апрель, шанба куни «Сампдория»ни қабул қилди.

Беллашувда томонлар муроса йўлини танлади. 57-дақиқада Фабио Куальярелла ҳисобни очиб, меҳмонларни ҳисобда олдинга олиб чиқди. Орадан 2 дақиқа ўтиб эса меҳмонлар футболчиси Адриен Силва майдондан четлатилди.

Ўйиннинг асосий вақти тугашига 3 дақиқа қолганида эса Йенс Ҳеуге мувозанатни тиклади. Ўйинга қўшиб берилган дақиқаларда "россонери" ғалабани илиб кетиши мумкин эди. Аммо тўп "Фиорентина" дарвозаси устунига тегиб қайтди.

Шу тариқа, «Милан» ўз майдонида сўнгги дақиқаларда мағлубиятдан қутулиб қолди.

29-турдан кейин Милан клуби 60 очко билан 2-поғонада бормоқда. «Сампдория» эса (36) 10-ўриндан жой олган.

Италия А серияси, 29-тур
3 апрель, шанба
«Милан» — «Сампдория» 1:1
Голлар: 0:1 – 57 Куальярелла, 1:1 – 87 Ҳеуге.
«Милан»: Доннарумма, Тео, Томори, Кьер, Салемакерс (Калулу, 46), Беннасер (Тонали, 60), Кессиэ, Крунич (Ребич, 60), Чалханўғлу, Кастильехо (Ҳеуге, 74), Иброҳимович.
«Сампдория»: Аудеро, Тонелли, Берешински, Колли, Аужелло (Ёсида, 89), Дамсгор (Верре, 90), Адриен Сильва, Кандрева (Лерис, 90), Торсбю, Габбьядини (Аскилдсен, 62), Куальярелла (Кейта Бальде, 84).
Огоҳлантиришлар: Колли (32), Торсбю (39), Салемакерс (45), Адриен Сильва (45), Беннасер (50), Кандрева (73).
Четлатиш: Адриен Сильва (59).