«Ювентус» президенти Андреа Агнелли А Сериянинг 29-тури доирасидаги «Торино»га қарши ўйинни (2:2) клубнинг собиқ бош мураббийи Массимилиано Аллегри иштирокида томоша қилди, деб ёзади журналист Тони Дамашелли «Il Giornale» веб-сайтида.

«Андреа Пирло «Ювентус» бош мураббийи бўлиб қоладими ёки йўқлигини билмайман, аммо шуни биламанки, Аллегри ва Агнелли Турин дербисини президентнинг уйида бирга томоша қилишди.

Балки уларнинг учрашуви эски хотиралар юзасидан бўлган, аммо ҳозирча клуб президенти буни давом эттириш мумкин эмаслигини тушунади.

Пирло майдонда ўқитувчи бўлган, аммо у мураббийлик ўриндиғида умуман бошқача. У билан футболчилар ўртасидаги тушунмовчилик хавфли даражага етган», деб ёзган журналист.

Эслатиб ўтамиз Аллегри «Ювентус»да 2014 йилдан 2019 йилгача ишлаган. Унинг раҳбарлигида жамоа 5 марта Италия чемпиони бўлди ва 4 марта мамлакат кубогини қўлга киритди. Айни пайтда эса мутахассис ишсиз.