«Yuventus» prezidenti Andrea Agnelli A Seriyaning 29-turi doirasidagi «Torino»ga qarshi o‘yinni (2:2) klubning sobiq bosh murabbiyi Massimiliano Allegri ishtirokida tomosha qildi, deb yozadi jurnalist Toni Damashelli «Il Giornale» veb-saytida.
«Andrea Pirlo «Yuventus» bosh murabbiyi bo‘lib qoladimi yoki yo‘qligini bilmayman, ammo shuni bilamanki, Allegri va Agnelli Turin derbisini prezidentning uyida birga tomosha qilishdi.
Balki ularning uchrashuvi eski xotiralar yuzasidan bo‘lgan, ammo hozircha klub prezidenti buni davom ettirish mumkin emasligini tushunadi.
Pirlo maydonda o‘qituvchi bo‘lgan, ammo u murabbiylik o‘rindig‘ida umuman boshqacha. U bilan futbolchilar o‘rtasidagi tushunmovchilik xavfli darajaga yetgan», deb yozgan jurnalist.
Eslatib o‘tamiz Allegri «Yuventus»da 2014 yildan 2019 yilgacha ishlagan. Uning rahbarligida jamoa 5 marta Italiya chempioni bo‘ldi va 4 marta mamlakat kubogini qo‘lga kiritdi. Ayni paytda esa mutaxassis ishsiz.
