«Барceлона» устози Роналд Куман ҳужумчи Лионель Месси билан якуний шартнома борасида ўз фикрлари билан ўртоқлашди.

«Албатта, бу жуда муҳим савол. Биз Лео имкон қадар клубда қолиши учун ҳамма нарсани қиламиз. Аммо, ҳозирги пайтда бизнинг фикрларимиз кейинги мавсум билан банд эмас. Биз кўпроқ эртанги ўйин ҳақида ўйлашимиз керак.

Келажак эса президентга ва унинг одамларига тегишли. Клуб келажаги ҳақида гапириш яхши, лекин мен ва футболчилар яқиндаги ўйинларга эътибор қаратишимиз керак», - дейди нидерландиялик мутахассис.

Ушбу ёзда аргентиналик футболчининг Каталония клуби билан шартномаси тугайди. Жамоа сардори битимни узайтирадими ёки жамоани ўзгартирадими, бу ҳозирча аниқ эмас.

Маълумот учун, Месси ушбу мавсум Ла Лиганинг 26 учрашувда майдонга тушди. Бу ўйинларда унинг ҳисобида 23 гол ва 8 голли узатма мавжуд.