БААнинг"Ал-Васл" клуби бош мураббийи Диего Марадонани якшанба куни жигар санчиши туфайли жарроҳлик столига ётқизишга тўғри келганди. Шундан сўнг, аргентиналик машҳурни Дубайдаги касалхоналарнинг бирида зудлик билан операция қилишган эди.
Бугун шифокорлар мураббийга тикланишни уйида давом эттириши учун рухсат берди.
Эслатиб ўтамиз, Марадона шанба куни клуби билан "Ал-Аҳлий"ни енгганидан (2:1) сўнг касалхонага юборилган. Бунга қадар чемпионат доирасида "Ал-Васл" қаторасига беш учрашувда ғалаба нималигини билмай келаётганди.
Маълумот ўрнида: 2007 йилнинг апрель ойида алкогол ичимликлари натижасида орттирилган панкреатит касаллиги шубҳаси остида касалхонага тушганди. 2010 йилнинг мартида эса ўз итининг тишлаши натижасида танасига 10 та тикиш чоки тушганди. Шунингдек, қутуриш касаллигига қарши даволанган. 2011 йилнинг июль ойида эса футбол юлдузи Аргентина пойтахтида автоҳалокат туфайли шифохонада даволанишига мажбур бўлган.
