«Барселона» бош мураббийи Роналд Куман Испания Ла Лигасининг 30 тури доирасида бўлиб ўтадиган «Реал» билан бўлажак классико ҳақидаги фикрлари билан ўртоқлашди.
«Яхши ўйнамасдан ғалаба қозондик [ўтган турда]. Биз мавсумнинг чиройли ва ҳаяжонли финалига тайёрмиз. Олдинда Эл-класико!», - деб ёзган, нидерландиялик мутахассис ўзининг твиттер саҳифасида.
Эслатиб ўтамиз, турнир жадвалида жамоалар ўртасидаги фарқ атиги 2 очкони ташкил қилмоқда. Иккинчи ўриндаги «Барселона» ҳозирда 65 очко жамғарган бўлса, «Реал Мадрид» ҳисобида 63 очко мавжуд. «Реал» - «Барселона» учрашуви 10 апрель куни Алфредо ди Стефано стадионида бўлиб ўтади.
