«Челси» бош мураббийи Томас Тухель яқинда содир бўлган воқеага изоҳ берди.
«Вест Бром»га учралган мағлубиятдан сўнг ҳимоячи Антонио Рюдигер ва дарвозабон Кепа Арисабалага ўртасида можаро келиб чиққан эди. «Умуман олганда барча ўйинчилар мағлубиятдан сўнг шокка тушган эдилар.
Мен Антонио ва Кепани жуда яхши тушунаман. Бироқ бу машғулотлар жараёнида содир бўлмаслиги керак. Чунки бу қолган футболчиларнинг ҳам руҳиятига салбий таъсир кўрсатади. Мен шогирдларимнинг шунчаки масъулиятни ҳис этишларини хоҳлайман. Улар энди ёш бола эмас», - дейди Тухель.
