«Барселона» «Ливерпуль»га бразилиялик яримҳимоячи Коутиньонинг трансфери учун 20 миллион евро бонус тўламаслиги мумкин.

Коутиньо клубда 100 ўтказса, «Барселона» инглиз клубига 20 миллион евро тўлаши керак. Айни пайтда бразилиялик 90 учрашув ўтказган.

Ёзда «Барселона» яримҳимоячини маошини пасайтириш ва трансферлар учун маблағ ишлаб олиш мақсадида уни сотиб юборишга ҳаракат қилади.

Коутиньо ҳозирда жароҳатини тикламоқда ва бу мавсумда майдонга тушмаслиги маълум бўлган.

Маълумот ўрнида, жорий мавсум 28 ёшли футболчи «Барселона» таркибида, барча турнирларда 14 ўйин ўтказди ва учта гол уриб, иккита голли узатма амалга оширди. Унинг клуб билан шартномаси 2023 йилнинг ёзигача амал қилади.