Италия А Сериясининг энг яхши икки клуби ўзаро ўйинчиларни алмаштириши мумкин.
«Ювентус» яримҳимоячиси Федерико Бернардески «Милан»га ўтиши мумкин, «Милан» ҳимоячиси Алессио Романьоли эса Турин клубининг футболчисига айланиши мумкин.
Клуб вакиллари потенциал алмашинув имкониятларини муҳокама қилиш учун учрашув ўтказмоқчи. Музокарада иккала футболчининг ишларини юритадиган, агент Мино Райола иштирок этади.
Иккала футболчининг ҳам ўз клублари билан тузган шартномалалр 2022 йилда ниҳоясига етади.
Романьоли ушбу мавсумда А Сериянинг 20 ўйинида майдонга тушиб, 1 гол ва 1 голли пасга муаллифлик қилган. Бернардески эса Италия чемпионатининг 24 учрашувида иккита голли узатма амалга оширган.
