«Арсенал» бош мураббийи Микел Артета Праганинг «Славия» клубига қарши Европа Лигаси чорак финал дастлабки ўйинидан (1:1) сўнг ўз фикрларини айтди.

«Ўйин назорат остида бўлди. Кутилган голни урдик, аммо бир қанча яхши вазиятларни кўкка совурдик. Рақиб бизни имкони борича жарима майдончамиз ичига тақади ва шундан кейин нима бўлганини кузатдик. Баҳсдан кейин таассурот умуман бошқача.

"Славия" — катта жамоаларни ютган яхши рақиб. Уларга қарши ўйнаш қийинроқ.

Энди биз кейинги учрашувда ғалаба қозонишимиз керак. Мақсадимиз — голлар уриш ва ғалаба қозониш. Авваллари, муваффақиятга эришишни уддалардик, энди ушбу натижаларни қайтариш лозим», — дейди испаниялик мутахассис.