Суперлига 5 туридан ўрин олган «Сурхон» ҳамда «Локомотив» тўқнашувидан сўнг меҳмонлар мураббийи Микаэл Секейра ўйин ҳақида фикрларини билдирди.
"Биринчи бўлимда ўйин зўр бўлди. Бўлим давомида футболчилар ўз вазифаларини яхши бажаришди. Дастлабки таймдаёқ икки ёки учта гол уришимиз ҳам мумкин эди.
Ушбу мавсумда ҳали ғалабага эришмаганимиз учун футболчилар иккинчи бўлимда бироз асабийлашишни бошлади. Ўз навбатида «Сурхон» жамоасида ҳам яхши вазиятлар бўлганини айтиб ўтиш керак.
Футболчиларимни табриклайман. Бугун «Локомотив»га келганимга 3 ой бўлди. Илк кунданоқ футболчилар жуда қаттиқ тер тўкишганди ва режаларимиз меваси бугун кўрина бошлади", - дейди Секейра.
