Серхио Рамос Испания чемпионатида биринчи марта «Эль-класико»ни ўтказиб юборади.

Бугун, 10 апрель куни «Реал Мадрид» Испания чемпионатининг 30-тури доирасида Мадриддаги «Алфредо ди Стефано» ўйингоҳида «Барcелона»ни қабул қилади.

Мускул жароҳати аниқланган испаниялик ҳимоячи Серхио Рамос эса мезбонларнинг ўйин учун қайднимасидан жой олмаган.

Бу эса футболчининг Испания чемпионатида биринчи марта «Эль-класико»ни ўтказиб юборишига олиб келади.

Аввалроқ, Рамос «эль класико»да фақат икки марта майдонга тушмаган. 2010/2011 йилги мавсумда у Чемпионлар Лигаси ярим финал жавоб учрашувини ўтказиб юборган. Кейин эса 2012/2013 йилги мавсум, Испания кубогининг ярим финалида ўйнамаган.

Маълумот учун, бугунгача 63 очко йиғган «қаймоқранглилар» Испания чемпионати турнир жадвалида учинчи ўринни эгаллаб турибди.

65 очко жамғарган «кўк-анирранглилар» эса 66 очко тўплаган, пешқадам «Атлетико»дан сўнг, иккинчи поғонани банд этган.