«Тоттенхэм» ҳужумчиси Харри Кейн ушбу ёзда жамоани тарк этиши мумкин, деб хабар бермоқда The Athletic.

Манбага кўра, «шпорлар» 2020/2021 йилги мавсум охирида Чемпионлар Лигасига чиқа олмаса, 27 ёшли футболчи жамоани тарк этади.

Маълум бўлишича, Кейннинг хизматларига «Манчестер Сити» ва «Манчестер Юнайтед» қизиқиш билдирмоқда.

Клублар вазиятни кузатиб боришмоқда ва футболчини трансфер қилиш бўйича «Тоттенхэм»га таклиф билан чиқишга тайёр. Олдинроқ Кейнга «Барселона» ва «Реал» қизиқиш билдираётгани ҳақида хабар берилган эди.

Ушбу мавсумда ҳужумчи, «шпорлар»нинг энг яхши тўпурари бўлиб турибди. Унинг ҳисобида 19 гол 13 ассист мавжуд.