А-Серия ташкилотчилари 18-турнинг “Катания” – “Рома” ўйини юзасидан қарор қабул қилдилар. Ушбу учрашув кучли ёмғир туфайли 65-дақиқада тўхтатилганди.
Football Italia хабар беришича, ўйин айнан қолдирилган дақиқасидан давом эттирилади. Яъни, дастлабки ўйин статистикаси сақланиб қолади, 1:1 ҳисоби, 66-дақиқадан давом этади.
Учрашув санаси “Рома”нинг Италия кубогидаги тақдирига боғлиқ. Агар “Рома” Италия кубоги ярим финалига чиқса, “Катания” билан ўйин 15 февралда бўлиб ўтади. Мабодо, “Рома” мағлубиятга учраса, “Катания” билан ўйин 7 февралда бўлиб ўтади.