ПСЖ бош мураббийи Маурисио Почеттино Чемпионлар Лигаси чорак финалида «Бавария»га қарши жавоб ўйини олдидан фикр билдирди.
«Биз "Бавария" қандай ўйнаётганини биламиз, улар ўз услубини ўзгартирмайди деб ўйлайман. Биз ўз ўйинимизни кўрсатишга ва имкониятлар яратишга ҳаракат қиламиз.
Кейинги босқич имконияти қандай? Иккала жамоа ҳам ярим финалга йўл олиши мумкин. Мен «Бавария»ни жуда ҳурмат қиламан, чунки улар Европанинг энг яхши жамоаси.
Биз уларга ҳурмат кўрсатишимиз керак, аммо менинг йигитларим ўзларининг кучларига ишонишади ва кейинги босқич учун қўлларидан келган барча ишни қилишади", - деди Почеттино ўйинолди матбуот анжуманида.
Эслатиб ўтамиз, биринчи учрашув Мюнхенда, 3:2 ҳисобида ПСЖнинг ғалабаси билан якунланган эди.
