Тошкентнинг "Пахтакор" клуби Чеченистон Республикасининг биринчи президенти Аҳмад ҳожи Қодиров хотираси учун Туркияда ташкил этилаётган халқаро турнирда иштирок этади. Бу ҳақда клуб расмий веб-сайти хабар тарқатган.
Чеченистоннинг айни пайтдаги президенти Рамзан Қодиров ўтказаётган турнир анъанавий тус олиши катта эхтимол. Мусобақада "Пахтакор"дан ташқари Озарбайжоннинг "Нефтчи", Польшанинг "Полония", Руминиянинг "Рапид", Украинанинг "Металлист", Албаниянинг "Билис", Қозоғистоннинг "Ордабаси", Россиянинг "Терек" клублари иштирок этишади. 28 январдан 3 февралга қадар бўлиб ўтадиган турнирга қуръа ташлаш маросими 27 январь куни ўтказилади. Регламентга кўра 8та жамоа 2та гуруҳга бўлинади. Гуруҳ ғолиблари эса финал ўйинида иштирок этишади. Мусобақа ғолибига 100, финалчига эса 70 минг АҚШ доллари мукофот тариқасида топширилади.
