Эртадан Россиянинг Санкт-Петербург шаҳрида 21 ёшгача бўлган ёшлар ўртасида Ҳамдўстлик кубоги мусобақаси бошланади. Ушбу турнирда 12та жамоа иштирок этмоқда. Қизиқ томони, Ҳамдўстлик кубогида Ўзбекистон иштирок этмайдиган бўлса, Эрон ёшлар терма жамоаси мусобақада иштирок этади. Россия футбол иттифоқи спорт директори Николай Писерев нима учун Эроннинг бу турнирда иштирок этишига ойдинлик киритди.
— Ўзбекистон ва Озарбойжоннинг ўз режалари бор шекилли, Эрон таклифимизга биринчилардан бўлиб рози бўлди. Бошқа вариантлар бормиди? Биз сўнгги дамгача МДҲ давлатларини кутдик ва улар ўз режаларини ушбу мусобақа мослаштришмади. Шундан сўнг Эронни мусобақага қабул қилдик.
Ҳамдўстлик кубоги мусобақаси иштирокчилари:
"А" гуруҳи: Россия, Қозоғистон, Эстония, Туркманистон.
"В" гуруҳи: Украина, Молдова, Қирғизистон, Латвия.
"С" гуруҳи: Беларусь, Эрон, Тожикистон, Литва.