16 январь куни эрталаб Тошкент халқаро аэропортидан самога кўтарилган самолёт 3.5 соатлик парвоздан сўнг Бирлашган Араб Амирликларига етиб келди. "Темирйўлчилар" Дубай аэропортидан 40 км узоқликда жойлашган "Umm Al Quwain Beach" меҳмонхонасига жойлашдилар.
Шу куннинг ўзида футболчилар 40 дақиқалик чигалёзди машғулотларини олиб боришди. Кечадан эса жамоа аъзолари кунига ики маҳалдан машғулотларда иштирок этишмоқда. Унда асосий эътибор футболчиларнинг жисмоний-функционал ҳолатини яхшилашга қаратиляпти. "Локомотив" БААдаги йиғин давомида тўртта назорат-синов учрашуви ўтказишни режалаштирган. Шулардан дастлабкиси бугун Украина суперлигасининг етакчи клубларидан бўлмиш Харьковнинг "Металлист" жамоасига қарши бўлиб ўтади. Учрашув Тошкент вақти билан соат 16:00да бошланади.
