"Манчестер Юнайтед" бош мураббийи сэр Алекс Фергюсон, "Манчестер"нинг собиқ юлдузларидан бири, ҳозирги кунда Норвегиянинг "Мёльде" клубини бошқараётган Оле-Гуннар Сульшерни келажакда ўзи эгаллаб турган лавозимда кўраётганини таъкидлади.
"Кўплаб футболчиларнинг муаммоси шундан иборатки, улар фаолиятларини якунлаганларидан сўнг, бошқа қиладиган иш топа олишмаганидан мураббийлик фаолиятини танлашади. Бу борада Сульшернинг устунлик жихатлари бор. У ҳар доим мураббий бўлишни орзу қилган. Унда мураббийга жуда зарур бўлган қаттиққўллик ва ирода бор. Ҳеч қачон чемпион бўла олмаган жамоа билан Лига ғолибига айланганининг ўзи унинг истеъдодидан дарак", — дейди Фергюсон.
