Бугун тунда Осиё Чемпионлар лигаси 1 туридан ўрин олган «Ал-Ҳилол» ҳамда АГМК жамоалари ўртасидаги баҳс бўлиб ўтади.
Учрашувдан олдин олмалиқликлар етакчиси Йован Жокич ўйин ҳақида ўз фикрларини билдирди: «Ал Ҳилол» билан жуда ҳам қийин ўйин бўлади. Ҳеч ким осон ўйин кутмаяпти. Биз муҳим учрашувга астойдил тайёргарлик кўрдик.
Умид қиламанки, бўлажак баҳс биз учун омадли бўлади. Ҳозиржа бутун таркибнинг кайфияти яхши. Осиёнинг энг кучли жамоаларига қарши ўйнаб ўзимиз учун тажриба йиғиб борамиз», - дейди Жокич.
Эслатиб ўтамиз, ушбу баҳс Тошкент вақти билан 00:00да бошланади.
