Бугун “Барселона” бош мураббийи Хосеп Гвардиола ўзининг 41 ёшини нишонлайди.

Футболчилик фаолиятининг безаги - “Барселона” клуби бўлиб, у каталонияликлар билан олти бор Испания чемпионлигини, икки марта Испания кубогини ва тўрт карра Суперкубокни қўлга киритган.

Халқаро майдонларда эришган ютуқларини эса Чемпионлар лигаси ва Кубок эгалари кубоги билан ўлчаш мумкин.

2007 йилда “Барселона” ёшлари мураббийи этиб тайинланди. 2008/2009 йилги мавсумдан олдин Гвардиола асосий жамоани ўз бошқарувига олди. Бугунга қадар мураббийлик лавозимида у 13 та совринни қўлга киритди.

Шунингдек, бугун ўзларининг таваллуд айёмларини нишонлаётган футболчилар бир талай. Булар – Риккардо Монтоливо, Йохан Журу ва фаолиятини аллақачон якунлаган Иван Саморанолардир.