Мюнхеннинг «Бавария» клуби етакчиларидан бири Томас Мюллер жамоа бош мураббийи Фликнинг мавсум сўнггидаги эҳтимолий истеъфоси ҳақида фикр билдирди.
«У бизга қарорини тушунтирмади. Бироқ унинг ўрнида исталган мураббий ҳам шундай қилган бўларди. Бунинг сабаби оддий. У шунга мажбурдир балки.
Ҳозир унинг зиммасига клубдан ҳам масъулиятлироқ лавозим таклиф қилинди. Биз уни албатта тўғри тушунамиз. Флик бир ярим йил мобайнида жамоа учун бор имкониятини ишга солди», - дейди Мюллер.
Эслатиб ўтамиз, Флик мавсум сўнггида Германия миллий терма жамоасига таклиф этилиши борган сари ойдинлашмоқда. Унинг ўрнига «Бавария» бош постига асосий номзод Юлиан Нагелсманн ҳисобланади.
