Myunxenning «Bavariya» klubi yetakchilaridan biri Tomas Myuller jamoa bosh murabbiyi Flikning mavsum so‘nggidagi ehtimoliy iste’fosi haqida fikr bildirdi.
«U bizga qarorini tushuntirmadi. Biroq uning o‘rnida istalgan murabbiy ham shunday qilgan bo‘lardi. Buning sababi oddiy. U shunga majburdir balki.
Hozir uning zimmasiga klubdan ham mas’uliyatliroq lavozim taklif qilindi. Biz uni albatta to‘g‘ri tushunamiz. Flik bir yarim yil mobaynida jamoa uchun bor imkoniyatini ishga soldi», - deydi Myuller.
Eslatib o‘tamiz, Flik mavsum so‘nggida Germaniya milliy terma jamoasiga taklif etilishi borgan sari oydinlashmoqda. Uning o‘rniga «Bavariya» bosh postiga asosiy nomzod Yulian Nagelsmann hisoblanadi.
