Лондоннинг «Челси» клуби бош мураббийи Томас Тухель Европа Суперлигаси ҳақида фикр билдирди.
«Мен ҳозир бу ҳақида гапиришни хоҳламайман. Шунча машмашанинг бўлаётгани етарли. Бунинг ўрнига яқинлашиб келаётган муҳим баҳслар ҳақида бош қотирган маъқул.
Мен "Челси" юритаётган сиёсатга тўлиқ ишонаман. Ҳали кимдир бу каби жиддий масъулиятни бўйнига олмай туриб бирданига радикал фикр билдириб юбориш тўғри бўлмайди.
Шининг учун барчасини кузатишга мажбурмиз. Менинг вазифам футболчиларга мураббийлик қилиш, юқоридаги ҳолатларни муҳокама қилиш эмас», - дейди Тухель.
