"Манчестер Юнайтед" клубига эгалик қилувчи Глейзерлар оиласи яқин вақт ичида жамоани сотиши мумкин.
"МЮ" Европа суперлигаси таъсисчиларидан бири бўлгани сабабли танқидларга қолиб кетгани бунга сабаб бўлиши мумкин. Бу ҳақда "Daily Mail" журанлисти Майк Киган хабар тарқатди.
Манбага кўра, Глейзерлар ҳақиқатан ҳам "МЮ"нинг акцияларини сотиб юбориши мумкин. Эслатиб ўтамиз, улар клубни 2005 йилда 790 млн фунтга сотиб олишган эди.
"Юнайтед"нинг Суперлига лойиҳасида иштирок этиши ишқибозлар ва футболчиларга ёқмади.
Эслатиб ўтамиз, аввалроқ "МЮ" вице-президенти Эд Вудворд истеъфога чиқарилгани ҳақида хабар тарқалган эди.
UFC бўйича собиқ жаҳон чемпиони Конор Макгрегор мазкур хабарларга ҳазиломуз муносабат билдирди:
"Мен "Манчестер Юнайтед"ни сотиб олиш ҳақида ўйлаяпман. Бу ҳақда нима дейсиз?" – дея ёзди Макгрегор ўзининг Твиттерида.