"Манчестер Юнайтед" нинг 21 ёшли ҳужумчиси Дэнни Уэлбек клуб раҳбариятидан маошини кўтаришларини талаб қилиб чиқди, дейди Fapl.ru.
Уэлбекнинг бундай кутилмаган қарори манкунианликлар раҳбариятини ва шахсан сэр Алекс Фергюссонни ғазабини келтирган. Шунинг учун ҳам клуб ва футболчи янги шартнома борасида бир тўҳтамга кела олмаяпти, дейилади хабарларда. Ҳозирги кунда ҳафтасига 15 минг фунт стерлинг миқдорида моаш оладиган Уэлбеккни клуб раҳбарияти тақдирлаши ва унга ҳафтасига 45 минг фунт стерлинг миқдоридаги маош кўзда тутилган янги шартнома таклиф этаётгандилар. Аммо кутилмаганда музокараларга ҳужумчининг агентлари қўшилишди ва "МЮ" раҳбариятидан ҳафтасига 60 минг фунт стерлинг маош беришларини талаб қилишди. сэр Алекс бундан қаттиқ ғазабланади ва музокараларни тўҳтатиб қўяди.
Ҳозирга музокаралар боши берк кўчага кириб қолган. Томонлар янги шартнома борасида келиша олмаяптилар. "МЮ" футболчига ҳафтасига 45 минг фунт стерлингдан кўп маош бериш ниятида эмас. Футболчи ҳам ўз айтганида туриб олган.