Бразилиянинг "Фламенго" клуби бош мураббийи Вандерлей Люшембурго, клуб раҳбариятидан Роналдиньони жамоадан четлаштирилишини қаттиқ талаб қилмоқда.
Мураббий, агар футболчи жамоадан четлаштирилмаса, истефъога чиқишини жамоа раҳбариятига маълум қилишга ҳам улгурди. Аммо жамоа президенти Патрисиа Аморим Люшембургонинг бу талабини рад этган.
"Ўтган куни Роналдиньо жамоа тартиб қоидасини кескин арвишда бузди. У жамоа базасига бир қизни етаклаб келди. Бу эса таъқиқланган. Шуни айтмоқчиманки, Роналдиньо биринчи марта шундай қилиши эмас. Сўнгги пайтларда футболчи бир неча бор жамоа тартиб қоидаларини қўпол равишда бузмоқда. Жаҳоннинг энг яхши футболчиси, жаҳон чемпиони бўлган футболчи бошқаларга ўрнак бўлиш ўрнига, ўз вазифасини суэъстимол қилмоқда. Бундай футболчини жамоада кўришни истамайман. Агар жамоа раҳбарияти уни жамоадан четлаштирмаса, жамоадан мен кетаман. Қарорим қатъий",- дея Вандерлей Люшембургонинг сўзларидан иқтибос келтирмоқда NDTV Sports.
Хабарингиз бўлса, бундан бир ҳафта олдин айнан Роналдиньонинг ўзи клуб раҳбариятига ультиматум қўйганди. Клуб футболчи олдидаги қарзларини тўламагунича, жамоа таркибида ўйнашдан бош тортган Роналдиньони, энди жамоа бош мураббийи "Фламенго"дан кетишини талаб қилмоқда.