Бильбаодаги «Сан Мамес» стадиони ёзда бўлиб ўтадиган Евро-2020 ўйинларини қабул қилмайди.
«Атлетик»нинг уй стадиони ўтган йил пандемия сабаб шу йилга кўчирилган ва 12 июндан 12 июлгача бўлиб ўтиши керак бўлган Европадаги ўйингоҳлардан бири эди.
УЕФА турнир ўйинларини ўтказиш ҳуқуқини Бильбаодан олиб қўйди. Афтидан, бу шаҳар чемпионат ўйинларига томошабинларни қабул қилиш учун кафолат бера олмагани билан боғлиқ.
Бильбао раҳбарияти УЕФА қарорига қўшилмаяпти ва шартнома шартларини бузгани учун товон пули талаб қилмоқчи.
