Англия Премьер Лигасининг 33-турида «Арсенал» 23 апрель, жума куни «Эвертон» билан баҳс юритди.

Лондонда кечган баҳс тақдирини Бернд Лено томонидан 76-дақиқада урилган автогол ҳал қилди. Ушбу вазиятда «Арсенал» дарвозабони ўнг қанотдан оширилган узатмани ўз дарвозасига жойлаб қўйди.

Шу тариқа, Микель Артета бошқарувидаги жамоа кетма-кет 5 та ўйиндан бери ўз майдонида ғалаба қозона олмаяпти — 3 мағлубият, 2 дуранг.

Ушбу ғалабадан кейин «Эвертон» 52 очко билан 8-ўринда бормоқда. «Арсенал» (46) эса 9-поғонани банд этган.

АПЛ, 33-тур
23 апрель, жума
«Арсенал» — «Эвертон» 0:1
Гол: 0:1 – 76, автогол Лено.
«Арсенал»: Лено, Мари, Чемберс (Виллиан, 83), Ҳолдинг, Жака, Сака, Парти, Себальос, Смит-Роу, Пепе (Эдегор, 74), Нкетиа (Мартинелли, 74).
«Эвертон» Пикфорд, Годфри, Дин, Коулмен, Ҳолгейт, Андре Гомеш (Делф, 66), Хамес (Дэвис, 86), Аллан, Сигурдссон, Ришарлисон (Мина, 89), Кэлверт-Льюин.
Огоҳлантиришлар: Парти (38), Аллан (55), Ҳолгейт (62), Делф (68).