Angliya Premyer Ligasining 33-turida «Arsenal» 23 aprel, juma kuni «Everton» bilan bahs yuritdi.

Londonda kechgan bahs taqdirini Bernd Leno tomonidan 76-daqiqada urilgan avtogol hal qildi. Ushbu vaziyatda «Arsenal» darvozaboni o‘ng qanotdan oshirilgan uzatmani o‘z darvozasiga joylab qo‘ydi.

Shu tariqa, Mikel Arteta boshqaruvidagi jamoa ketma-ket 5 ta o‘yindan beri o‘z maydonida g‘alaba qozona olmayapti — 3 mag‘lubiyat, 2 durang.

Ushbu g‘alabadan keyin «Everton» 52 ochko bilan 8-o‘rinda bormoqda. «Arsenal» (46) esa 9-pog‘onani band etgan.

APL, 33-tur
23 aprel, juma
«Arsenal» — «Everton» 0:1
Gol: 0:1 – 76, avtogol Leno.
«Arsenal»: Leno, Mari, Chembers (Villian, 83), Holding, Jaka, Saka, Parti, Sebalyos, Smit-Rou, Pepe (Edegor, 74), Nketia (Martinelli, 74).
«Everton» Pikford, Godfri, Din, Koulmen, Holgeyt, Andre Gomesh (Delf, 66), Xames (Devis, 86), Allan, Sigurdsson, Risharlison (Mina, 89), Kelvert-Lyuin.
Ogohlantirishlar: Parti (38), Allan (55), Holgeyt (62), Delf (68).