Бугун “Чилонзор” сунъий қомламали майдонида жамоа биринчи лига вакили “Оқтепа” билан назорат учрашуви ўтказди.

Мазкур ўйинда Игорь Анатольевич асосан жамоа кўригида бўлган футболчиларни майдонга туширди. Шунингдек, ўтган йилги таркибдан Санжар Шоаҳмедов, Зафар Тўраев, Александр Востриков, Азамат Исроилов, Суҳроб Бердиев, Фаррух Нурлибоев ва Никита Шквиринлар жой олишди. Учрашув анча шиддатли ва ҳужумкор руҳда кечди. “Олмалиқ” кўригида бўлганлар асосий таркибдан жой олиш йўлида ўз тайёргарликларини намойиш этиши ҳамда рақиб жамоа сафида олий лига ҳавосини олган бир қатор тажрибали футболчилар борлиги сабаб ўйин қизиқарли тус олди. “Оқтепа” таркибида майдонга тушган Александр Токов, Александр Ежов, Руфат Исроилов, Фарҳод Мавлонов, Алишер Саматов, Тимур Турдиев каби футболчилар футбол ишқибозларига яхши танишдир.

Ўйинга тўхталадиган бўлсак, биринчи тайм асосан жамоамиз устунлигида кечди. 3 дақиқа ичида Абдулатиф Абдуқодиров ва Санжар Шоаҳмедовлар икки марта рақиб дарвозасини ишғол этишди. Иккинчи таймдаги ўзгаришлар майдонда устунликни бироз рақиб томонига ўзгартирди. Натижада жамоалар 2тадан гол уришга эришиб “дуранг”га эришишди.

«ОЛМАЛИҚ» – «ОҚТЕПА» 4:2 (2:0)
Голлар: Абдулатиф Абдуқодиров 15, Санжар Шоаҳмедов 18, Суҳроб Бердиев 51, Тимур Галимов 83 – Зокир Мирзааҳмедов 47 пенальти, Иван Агапов 72