Германия футбол ассоциацияси вице-президенти Райнер Кох ташкилот «Бавария» га Ханс-Дитер Флик учун товон пули тўламаслигини айтди.

«Германия футбол ассоциацияси товон тўламайди, чунки у ҳеч қачон бундай қилмаган. Бу нотижорий ташкилот. Бундан ташқари, Иттифоқда чексиз миқдордаги пул йўқ. «Бавария» бу масалани Фликнинг ўзи билан ҳал қилиши керак»- дейди Кох.

Хабарингиз бор, Флик ёзда Йоахим Лёв тарк этадиган Германия терма жамоаси бош мураббийи лавозимига асосий давогар сифатида қаралмоқда. Яқинда эса Ханс-Дитер мавсум охирида «Бавария»дан кетишни исташини эълон қилди.