«Ювентус» бош мураббийи Андреа Пирлонинг мавқеи тахлика остида.
Турин клуби А сериянинг навбатдаги, 34-тури доирасида, меҳмонда «Удинезе»га қарши баҳс олиб боради. Агарда ўша ўйинда жамоа мағлуб бўлса, раҳбарият мутахассисни ишдан бўшатади, деб хабар беради TuttoJuve Туриннинг «La Stampa» газетасига асосланиб.
Хабарларга кўра, Агар Пирло ишдан бўшатилса, ёрдамчи мураббий Игор Тудор мавсум охиригача жамоани қабул қилиб олади.
Маълумот ўрнида, «Ювентус» А Cерияда 66 очко билан, тўплар фарқи нисбати бўйича турнир жадвалида «Наполи»дан кейин, бешинчи ўринда бормоқда.
