«Манчестер Сити» ҳужумчиси Серхио Агуэро ҳали келажакдаги фаолияти тўғрисида қарор қабул қилмаган ва у Италия А Cериясига йўл олиши мумкин.

32 ёшли ҳужумчининг хизматларига «Барселона» ва «Ювентус»дан ташқари «Интер» ҳам қизиқиш билдирмоқда. «Нерадзурри» раҳбарлари аргентиналикнинг Чемпионлар Лигасидаги тажрибасини қадрлашади ва футболчини ёзги трансферлар ойнасида қўлга киритишга ҳаракат қилишади.

Бироқ, Агуэро Италия чемпионати этакчиси учун ягона вариант эмас. Агар келишув амалга ошмаса, «Интер» «Челси»дан Оливье Жиру ёки «Рома»дан Эдин Жекони сотиб олишга ҳаракат қилади.

Серхио Агуэро ушбу мавсумда «шаҳарликлар» билан барча мусобақаларда 15 учрашувда майдонга тушиб, 3 гол уришга муваффақ бўлган.