«Манчестер Сити» бош мураббийи, «ПСЖ» ҳужумчиси Неймарнинг ўйинига қойил қолганини билдирди.

«Мен "Сантос"га қарши ўйинни эслайман, шунда барча футболчилар унинг ўйинини кўриб, ҳайратдан лол қолишган эди.

Неймарни томошабин сифатида томоша қилиш қувонч келтиради. Унинг елкасида бутун Бразилия бор ва 10-рақам туширилгам футболкани кийиш осон эмас.

Агар у клубда қолганида Неймар ва "Барселона" яна 2-3 марта Чемпионлар Лигасида ғолиб бўлишларига амин эдим», - дейди каталониялик мутахассис.

Ҳужумчи 2017 йилда 222 миллион евро эвазига "Барселона"дан ПСЖга кўчиб ўтиб, футбол тарихидаги энг қиммат ўйинчига айланган эди.

Эслатиб ўтамиз, ПСЖ - «Манчестер Сити» ўратасидаги ярим финалнинг биринчи ўйини 28 апрель, чоршанба куни Парижда бўлиб ўтади.