"Зенит" ҳужумчиси Сердар Азмун фаолиятини Испания чемпионатида давом эттириши мумкин, деб хабар беради "Эл Гол Дигитал". Манбанинг хабарига кўра, "Валенсия" 26 ёшли эронлик футболчининг хизматларига қизиқиш билдирмоқда. Испания клуби Азмуннинг трансфери учун Макси Гомеснинг сотилишидан маблағ тўплашни кутмоқда.
Аввалроқ Азмун "Наполи", "Боруссия Дортмунд", "Севилья", "Аталанта" ва "Рома" қизиқишлари доирасига тушиб қолгани ҳақида хабар берилган эди. Таъкидланишича, "Валенсия" эронлик учун курашда қолган клублардан тахминан 20 миллион евро таклиф қилса, улардан кўра кўпроқ таклиф киритиши мумкин.
Сердар "Зенит" шарафини 2019-йилдан бери ҳимоя қилиб келмоқда ва бунгача у "Рубин" ва "Ростов" жамоаларида ўйнаган. Ҳужумчи Эрон терма жамоасида 2014-йилдан бери ўйнаб келмоқда. Ушбу мавсумда форвард Россия Премер-лигасининг 22 учрашувида қатнашиб,16 гол (иккитаси пенальтидан) ва иккита голли узатмани амалга оширди,
