Марса нашри "Реал" ҳимоячиси Марсело "Челси"га қарши Чемпионлар Лигаси ярим финал жавоб учрашувини (биринчи ўйин 1:1) ғайриоддий сабаб ўтказиб юбориши мумкин, деб хабар бермоқда.

Испан нашрларининг ёзишича, бразилиялик 4-май куни, "аристократлар"га қарши иккинчи ўйиндан бир кун олдин бўлиб ўтадиган Мадрид ассамблеясига сайловларда кузатув комиссиясида иштирок этишга таклиф қилинган.

Энди Марсело ҳокимият билан сайловларни ўтказиб юборишига рухсат бериш тўғрисида музокаралар олиб боришга уринмоқда, аммо унга рад жавоби берилмоқда.

Коронавирус пандемияси билан боғлиқ чекловлар туфайли футболчи алоҳида рейс билан уча олмайди. 2011-йилда Марсело Испания фуқаролигини олган. Шунинг учун ҳам у сайловларда иштирок этишга жалб қилинган.

Эслатиб ўтамиз, "Реал" 5-май куни Лондонда "Челси"га қарши ўйнайди. Ўйин Тошкент вақти билан соат 00:00да бошланади.