Агент Мино Райола Дортмунднинг «Боруссия»клуби билан Европанинг деярли барча топ-клублари таъқиб қилаётган ҳужумчи Эрлинг Холанднинг ёзги трансфери борасида музокара олиб бормоқда.
Футбол мухбири Лия Смитнинг твиттердаги хабарига кўра, Райола «Боруссия»га таҳдид қилмоқда. Агентнинг таъкидлашича, агар Холанд шу ёзда қўйиб юборилмаса, унда бир йилдан сўнг у футболчини Дортмунд жамоасининг принципиал рақиби «Бавария»га ўтказишни ташкил қилади.
Аввалроқ, матбуотда клублар 2022 йил ёзида Эрлинг Холандни 75 миллион евро эвазига сотиб олишлари мумкинлиги ҳақида хабар берилган эди. Иқтидорли норвегияликнинг шартномасида бундай банд ҳам мавжуд.
