«Атлетико» ҳужумчиси Луис Суарес ўзининг «Барcелона» жамоасидаги собиқ дўсти Лионель Мессининг келажаги ҳақида тахмин қилди.

«Агар Месси мендан дўстим деб маслаҳат сўраса, мен уни «Барселона»дан бошқа жойда кўрмаяпман деб айтган бўлардим. Бошқа жамоага ўтиш унга фойда келтирмайди, аммо у қарорни ўзи қабул қилиши керак.

Ўйлайманки, у сўнгги уч, тўрт, беш ёки олти йилни жамоада ўтказиши, у ерда имкон қадар кўпроқ хурсанд бўлиши мумкин. «Барселона» унга ҳамма нарсани берди, у эса "Барселона"га»,- дейди уругвайлик футболчи.

Эслатиб ўтамиз, 33 ёшли аргентиналик юлдузнинг клуб билан амалдаги шартномаси 2021 йил 30 июнда тугайди.

Футболчига бир қатор топ-клублар қизиқиш билдирмоқда. Асосий даʼвогар Мессининг яқин дўсти Неймар тўп тепаётган ПСЖ. Ҳужумчининг ўзи келажаги ҳақида фақат мавсум охирида ўйлайди.

Месси ушбу мавсум Каталония клуби билан барча мусобақаларда 42 учрашувда майдонга тушиб, 33 гол ва 14 ассистни ўз номига расмийлаштириб қўйган.