«Аталанта»нинг қанот ҳимоячиси Робин Госенс клубини ўзгартириши мумкин, деб хабар беради Tuttomercatoweb.
Манбага кўра, 26 ёшли германиялик футболчи «Лестер» қизиқишлари доирасида. Қайд этилишича, футболчининг ўзи Премьер-лигага ўтишга қарши эмас, фақат «тулкилар» мавсум охирида Чемпионлар Лигаси зонасига кира олишса.
Маълумот ўрнида, ҳимоячи ушбу мавсум Бергамо клуби билан барча мусобақаларда 38 учрашув ўтказган. Бу ўйинларда эса 10 гол ва 8 голли узатма қайд этган.













