«Барселона» ҳимоячи Серги Роберто билан шартномани узайтириш устида ишламоқда.
Журналист Маттео Мореттонинг твиттерда ёзишича, каталонияликлар футболчига 2023 йилгача шартнома таклиф қилмоқда, аммо Роберто 2024 йилгача келишувни истайди. Музокаралар анчадан бери давом этиб келмоқда. Бироқ, охир-оқибат томонлар барибир келиша олишлари кутилмоқда.
Қайд этилишича, ўтган йили «Манчестер Юнайтед» Робертога қизиқиш билдирган.
29 ёшли испаниялик футболчи ушбу мавсумда «Барселона» билан барча турнирларда 16 ўйин ўтказиб, 1 гол урди ва 2 голга узатма амалга оширди.
Робертонинг каталонияликлар билан амалдаги шартномаси 2022 йил 30 июньгача амал қилади.